Средба Османи - Милановиќ: „Хрватска останува ценет сојузник на Косово во полето на регионалната одбрана и безбедност“

СКОПЈЕ (АА) - Косовската претседателка Вјоса Османи се сретна со својот хрватски колега Зоран Милановиќ, јавува Анадолу.

Состанокот се одржа во Бугарија, каде што Османи престојува за да го претставува Косово заедно со другите лидери на состанокот на високо ниво на процесот „Акаба за Балканот III“.

„Хрватска останува ценет сојузник на Косово во полето на регионалната одбрана и безбедност. Затоа, денеска во Софија се сретнав со силниот пријател и поддржувач на Косово, претседателот на Хрватска, Зоран Милановиќ, на кого му ги пренесов најтоплите честитки за реизборот на оваа функција“, напиша Османи.

„Со Хрватска соработуваме во одбраната, економијата и на секое друго поле, бидејќи нашите односи се засноваат на заемна доверба. Со пријатели како Хрватска, Косово е секој ден посилно“, рече претседателката на Косово.