СКОПЈЕ (АА) - Турското Министерство за национална одбрана и донираше воена опрема на армијата на Северна Македонија, известува Анадолу.
На церемонијата на предавањето на воената опрема што се одржа во касарната „Илинден“ во Скопје, присуствуваа министерот за одбрана на Северна Македонија Владо Мисајловски, началникот на ГШ генерал-мајор Сашко Лафчиски, заменик началник на ГШ Азим Нуредин, турскиот амбасадор во Скопје Фатих Улусој, заменик министерот за одбрана Елфет Исмаили, военото аташе при амбасадата на Туркије во Скопје полковник Реџаи Јилмаз и други гости.
Во својот говор на свеченоста, министерот Мисајловски рече дека денеска се сведоци не само на сојуз на дело, туку и на пријателство и взаемна посветеност што е видливо повеќе од 30 години.
Честитајќи го 30 август - Ден на победата на Република Туркије, министерот Мисајловски рече:
„Донацијата од Туркије уште еднаш го докажува вистинското и трајно пријателство помеѓу нашите народи. Во име на македонскиот народ и армијата му благодарам на турскиот народ и на државата за оваа донација која ќе овозможи јакнење на капацитетите на нашата армија, а со тоа и јакнење на мирот, безбедноста и стабилноста на алијансата.“
Истакнувајќи дека Туркије е докажан пријател и партнер на Северна Македонија, Мисајловски истакна дека поддршката на Туркије значително придонела за модернизација на северномакедонската армија со нова и најсовремена опрема согласно стандардите на НАТО и додаде дека со Туркије имаат голем број соработки на полето на одбраната.
Посочувајќи дека Туркије и Северна Македонија заеднички учествувале во повеќе мисиите, како што се мисијата „Одлучна поддршка“ во Авганистан, КФОР во Косово и Алтеа во Босна и Херцеговина, и на тој начин ја зајакнале меѓусебната доверба, министерот Мисајловски продолжи со зборовите:
„Не ја забораваме ни солидарноста за време на ковид кризата во 2020 година, како и вашата поддршка за справување со пожарите кои неодамна ја зафатија нашата држава. Туркије беше првата земја која испрати воздушна поддршка од два авиони и еден хеликоптер.“
Началникот на ГШ Лафчиски упати честитки по повод 30 август - Ден на победата на Туркије и истакна дека денешниот ден не е само празник на Туркије, туку во исто време и симбол на силата на пријателството и соработката меѓу двете земји.
Нагласувајќи дека се собрале за да ја потврдат својата решителност да го изградат и зајакнат партнерството кое им донело многу придобивки во текот на изминатите години, началникот Лафчиски рече:
„Туркије е наша братска држава која во повеќе наврати покажа искрена поддршка и пријателство. Континуираната помош што ја добиваме од Туркије во градењето на нашите одбранбени капацитети е од исклучително значење за нас.“
Зборувајќи дека со овој грант, кој вклучува различна опрема, е потврден успехот на билатералната соработка, Лафчиски го посочи следното:
„Јакнењето на капацитетите на нашите воени сили е клучно за стабилноста и сигурноста на нашата земја. Соработката со Туркије е столб на тој процес.“
Зборувајќи дека испорачаната воена опрема не е само грант, Амбасадорот Улусој рече дека таа претставува и симбол на поддршката за зајакнувањето на одбранбените капацитети на Северна Македонија.
Изразувајќи ја својата среќа што предавањето на грантот се совпадна со 30 август - Ден на победата на Туркије, кој има големо воено значење за неговата земја, амбасадорот Улусој истакна:
„Односите меѓу Туркије и Северна Македонија својата сила ја црпат од длабоките историски, културни и човечки врски. Фактот дека Мустафа Кемал Ататурк, основачот на Туркије, завршил средно воено училиште во Битола е една од манифестациите на нашите длабоко вкоренети односи.“
Нагласувајќи дека Туркије направила голем напредок на секое поле, од одбранбената индустрија до транспортот, од економијата до енергетиката, од образованието до здравството, амбасадорот Улусој продолжи со зборовите:
„Во одбранбената индустрија минатата година достигнавме сума од 5,5 милијарди долари со извоз на 230 различни производи во 185 земји. Денес, 50 земји користат беспилотни системи произведени од турски компании. Станавме земја која ги развива односите со победнички пристап, вклучително и во одбранбената индустрија. Ни претставува големо задоволство што ги споделивме капацитетите што ги имаме на полето на воената и одбранбената индустрија со нашите браќа и сестри, пријателски и сојузнички земји како што е и Северна Македонија.
Објаснувајќи дека од осамостојување на Северна Македонија воените односи ги изградиле на цврста основа преку воспоставување многу продуктивна соработка како на секое поле, така и на полето на одбраната, амбасадорот Улусој рече дека го поддржале членството на Северна Македонија во НАТО и двете земји се сојузници.
Пренесувајќи ги поздравите на претседателот Реџеп Таип Ердоган до присутните, Улусој ја истакна решеноста на Туркије да продолжат да ја зголемува соработката и поддршката и во иднина.
По обраќањата, военото аташе на Амбасадата на Туркије во Скопје, полковник Реџаи Јилмаз и шефот на Секторот за меѓународна соработка на Министерството за одбрана на Северна Македонија, Крсте Малинковски, го потпишаа протоколот за грант.
Во рамките на грантот, Република Туркије на Северна Македонија и додели дрон, опрема за комуникации, очила за ноќно гледање и заштитна опрема.
