Туркије и балканските земји се приклучуваат на кампањата на ЕУ за безбедност на храната „Safe2Eat“

АНКАРА/ИСТАНБУЛ (АА) – Туркије и балканските земји се приклучуваат на кампањата „Safe2Eat“, која ја спроведува Европската агенција за безбедност на храна на Европската Унија (ЕФСА), со цел да им помогне на потрошувачите да донесуваат информирани одлуки при изборот на храна, јавува Анадолу.

Според соопштението на Министерството за земјоделство на Туркије денес, оваа комуникациска кампања, која во изминатите години беше отворена само за земјите членки на ЕУ, од оваа година им овозможува учество и на земјите кандидати. Цел е потрошувачите да се водат со ажурирани информации засновани врз научни податоци за храната.

Од 2020 година кампањата настојува да осигури дека граѓаните прават информирани избори и да спречи фрлање храна.

Во рамките на „Safe2Eat“, која минатата година достигна повеќе од 45 отсто од целната публика низ Европа, над 50 милиони европски потрошувачи беа информирани за безбедноста на храната преку пораки пренесени преку социјалните мрежи и други комуникациски канали.

Кампањата доведе до промена на однесувањето на потрошувачите, кои сега повеќе ја „приоритизираат безбедноста на храната“ при купувањето.

Европските граѓани истакнаа дека кампањата им понудила појасни и подостапни информации за безбедноста на храната и го зголемила нивното знаење за спречување на потенцијалните ризици.

Оваа година кампањата „Safe2Eat2025“ ќе ги вклучи Северна Македонија, Албанија, Австрија, Белгија, Босна и Херцеговина, Чешка, Естонија, Финска, Хрватска, Ирска, Италија, Црна Гора, кипарската грчка администрација, Латвија, Луксембург, Унгарија, Норвешка, Полска, Романија, Словачка и Грција, а Туркије ќе биде една од земјите учеснички.

Во согласност со кампањата, во текот на годината ќе бидат организирани голем број активности како на ниво на ЕУ, така и во земјите учеснички.

Кампањата ќе настојува да ја подигне свеста на потрошувачите преку пораки на официјалната веб-страница, а исто така ќе ги информира преку едукативни материјали.

Социјалните мрежи ќе играат клучна улога во кампањата, користејќи го хаштагот #Safe2EatEU за зголемување на интеракцијата меѓу потрошувачите.