Цената на дизелот во Белгија пред нов рекорден пораст - 2,48 евра по литар

Цената на дизелот во Белгија најверојатно утре ќе достигне нов рекорден максимум од 2,48 евра (2,88 долари) по литар, објави дневниот весник „Ле Соир“, пренесува Анадолу.

Зголемувањето претставува остар скок од над 16 центи, со што цената на дизелот се приближува до прагот од 2,50 евра, пренесува весникот, повикувајќи се на Министерството за економија.

Исто така, ќе има зголемување и на цената на бензинот, иако поумерено. Цената на 95-октанското гориво (E10) ќе се зголеми за 4,4 центи и ќе изнесува 1,94 евра по литар.

Според весникот, цени на ова ниво последен пат се забележани на средината на ноември 2022 година.

И 98-октанскиот бензин (E5) ќе надмине 2 евра со порастот од 4,3 центи, достигнувајќи цена од 2,02 евра по литар.

Според соопштението на Mинистерството, промените на цените ја одразуваат нестабилноста на пазарот на енергенти во eкот на војната на Блискиот Исток.