Паднаа цените на нафтата на светскиот пазар во пресрет на состанокот на ОПЕК

ЊУЈОРК (АА) - Цените на нафтата на светскиот пазар паднаа денес, откако се намалија стравувањата за понудата предизвикани од состанокот на ОПЕК, јавува Анадолу.

Падот на цената на нафтата дојде по зголемениот број на слободни работни места во Соединетите Американски Држави (САД), што покажува дека ФЕД може да продолжи да ги зголемува каматните стапки, засенувајќи ги стравувањата од понудата на состанокот на ОПЕК.

Меѓународната референтна цена на суровата нафта од типот „брент“ утринава изнесуваше 90,30 долари за барел по падот на цената од 0,68 отсто.

Американската референтна вредност Вест Тексас Интермедиејт се тргуваше по цена од 88,55 долари за барел по падот на цените за 0,76 отсто.

Според податоците на Министерството за труд објавени вчера (вторник), бројот на отворени работни места во САД се зголеми на 9,61 милион во август.

Пазарните играчи се фокусирани на состанокот на Надзорниот одбор на ОПЕК подоцна во текот на денот, во очекување дека сегашните намалувања на понудата на групата ќе се променат.