Потресни снимки: Палестинско момче по име Халид ги бара телата на загинатите членови на семејството

ГАЗА (АА) - Палестинското момче по име Халид е снимено како ги бара своите најблиски меѓу телата на загинатите во една од болниците, јавува Анадолу.

Во воздушен напад врз градот Деир Ал Балах, во Појасот Газа, загинаа најблиските членови на семејството на Халид.

На видеата објавени на социјалните мрежи се гледа како Халид ги бара своите најблиски во болницата „Шехиди на Акса“, каде се чуваат телата на загинатите. Во шокантното видео Халид ги отвора вреќите за да ги препознае лицата на најблиските.

Конфликтот во Газа, која е под израелско бомбардирање и блокада од 7 октомври, започна кога Хамас ја почна операцијата „Поплава Ал Акса“, повеќестран ненадеен напад со низа лансирања на ракети и инфилтрирање во Израел по копно, море и воздух. Се наведува дека операцијата е одмазда за упадите во џамијата „Ал Акса“ и зголеменото насилство од страна на еврејските доселеници врз Палестинците.

Според досегашните податоци, во израелските напади врз Газа досега загинале најмалку 4.651 Палестинец, меѓу кои 1.873 деца.

Неодреден број луѓе останати се заробени под урнатините.