Nuri Aydın
06 Јануари 2021•Ажурирај: 07 Јануари 2021
АНКАРА (АА) - Австралија ги повика кинеските власти да дозволат тимот експерти да влезе во земјата за да го истражат потеклото на новиот вид коронавирус (Ковид-19), пренесува Агенција Анадолија (AA).
Според „Гардијан“, австралиската министерка за надворешни работи, Марис Пејн, се осврнала на ситуацијата со тимот експерти за истражување на потеклото од коронавирусот, на кој не му било дозволено да влезе во Кина.
Пејн рече дека очекува тимот експерти од Светската здравствена организација (СЗО) наскоро да ги добијат потребните дозволи за влез во земјата.
Говорејќи дека Австралија трага по транспарентноста кога станува збор за потеклото на Ковид-19, Пејн истакна дека со нетрпение ги очекуваат резултатите од истражувањето во Кина.
Таа спомена дека е многу важна соработката во откривањето на потеклото на пандемијата и додаде дека меѓународната соработка ќе доведе до врвни начини за борба против претстојните пандемии.
Австралискиот премиер, Скот Морисон, претходно повика на независно меѓународно истражување за потеклото на Ковид-19.
Кина остро реагираше на повикот на Австралија, тврдејќи дека станува збор за политички маневар.
Кина претходно ги негираше тврдењата на американскиот претседател, Доналд Трамп, кој изјави дека постои можност новиот тип коронавирус да потекнува од кинеска лабораторија за вирусологија во Вухан.
Новинарката Занг Зан, која известуваше за коронавирусот во Вухан, осудена е на казна затвор од четири години.
Генералниот директор на СЗО, Тедрос Аданом Гебрејесус, вчера изјави дека е разочаран од тоа што тимот експерти, кои треба да го истражат начинот на кој се појави нов вид коронавирус во Кина, сè уште не ги добил потребните дозволи за влез во таа азиска земја.
