Велика Британија: Бројот на починати од Ковид-19 се зголеми на 38.376

ЛОНДОН

Во Велика Британија во последните 24 часа починаа 215 лица поради новиот вид коронавирус (Ковид-19), со што вкупниот број на починати во земјата се искачи на 38.376, пренесува Агенција Анадолија (АА).

Оваа информација на дневна прес-конференција ја потврди Министерот за култура на оваа земја, Оливер Даунден.

Според него, во последните 24 часа како резултат на Ковид-19 починале 215 лица во болници, во домови за стари лица како и во приватни куќи, со што вкупниот број на починати во земјата порасна на 38.376.

Тој нагласи дека во последните 24 часа откриени се уште 2.445 нови случаи со Ковид-19. Со ова, вкупниот број на открени случаи во земјата се зголеми на 272.826.

Во последните 24 часа во земјата се направени 127.722 тестирања за Ковид-19, со што бројот на вкупно извршени тестирања во земјата се зголеми на 4.171.408.