Emel Gözellik
16 Февруари 2021•Ажурирај: 17 Февруари 2021
АНКАРА (АА) - Генералниот директор на Светската здравствена организација (СЗО), Тедрос Аданом Гербрејесус, соопшти дека случаите на новиот вид коронавирус (Ковид-19) опаѓаат веќе пет недели, пренесува Агенција Анадолија (АА).
Гербрејесус на неговиот профил на социјалната мрежа Твитер се осврна на бројот на случаи со Ковид-19.
Истакнувајќи дека бројот на случаи низ светот се намалува веќе пет последователни недели, Гербрејесус рече:
„Бројот на пријавени случаи неделно е намален. Во неделата што започна од 4 јануари, бројот на случаите изнесуваше повеќе од 5 милиони, во неделата што започна на 8 февруари бројот е 2,6 милиони случаи. Односно намален е за скоро половина за само 5 недели.“
Посочувајќи дека овие бројки покажуваат дека едноставните мерки за јавно здравје се ефикасни во борбата против Ковид-19 и кога има различни варијанти од вирусот, Гербрејесус нагласи: „Сега е важно како ќе реагираме на овој тренд. Пожарот не е изгаснат, но намалена е неговата големина. Ако на некој фронт престанеме да се бориме против вирусот, тој повторно ќе се врати.“
