Маскоти на коронавирусот ги предупредуваат жителите на Истанбул на обврската за придржување до мерките

ИСТАНБУЛ (АА) - Маскоти на коронавирусот, кои прошетаа низ фреквентните улици на Истанбул, ги предупредуваа граѓаните што не се придржуваат на мерките воведени против ширењето на коронавирусот, јавува Агенција Анадолија (АА).

Настанот што е организиран од платформата „Лутфен“ со маскоти на коронавирусот, ги насмеа жителите на Истанбул и попатно ги потсети на мерките против ширењето на коронавирусот.

Маскотите во специјални костими што потсетуваат на коронавирусот прошетаа низ Бејазит, Гранд Базар и другите прометни улици на градот.

Им приоѓаа на граѓаните што не носеа заштитни маски и не ја почитуваа препорачаната социјална дистанца.

Маскотите ги гушкаа лицата без маски, за да укажат на опасноста од ширењето на заразата. Им приоѓаа и на оние што пушеа цигари за да им упатат разни предупредувања.

За време на настанот, еден од трговците се пошегува со маскотите и ги бркаше со палка, што предизвика смеа кај присутните.

Членовите на платформатата „Лутфен“ носеа транспаренти на кои пишуваше „Вирусот е меѓу нас“, „Маската ќе ве заштити“, „Благодарни сме на медицинските работници“.