Ali Atar
19 Февруари 2019•Ажурирај: 20 Февруари 2019
ИСТАНБУЛ (AA) - Anadolu Agency (AA) е добитник на признание на конференцијата на Светскиот инвестициски форум на бизнис-ангели (WBAF), која вчера и денеска се одржува во Истанбул.
AA е глобален комуникациски партнер на конференцијата која во последните два дена во Истанбул собра околу 1.000 угледни светски претприемачи и инвестирори.
На вториот и последен ден од конференцијата во Истанбул организирана е и церемонија на доделување награди, на која претседателот на Светскиот инвестициски форум на бизнис-ангели, Бајбарс Алтунташ, наградата за заслуги ја врачи на Шабан Кизилдаг, член на Управниот одбор на Anadolu Agency.
Алтунташ на церемонијата истакна дека AA е една од најголемите новински агенции во светот и дека во последните четири години е „глобален комуникациски спонзор“ на Светскиот инвестициски форум на бизнис-ангели.
Напомена, исто така, дека AA има свои дописници во 93 земји од светот, како и на фактот дека оваа агенција своите вести ги емитува на 13 јазици.
На церемонијата на доделувањето награди присуствуваа и членот на Управниот одбор на AA, Али Туркер Пиртини и шефот на маркетингот и глобалните комуникации на АА, Јилмаз Јаман.
