Се преврте камион со илегални мигранти во Турција, 22 загинати

ИЗМИР (АА) - Во сообраќајна несреќа при превртување на камион кој превезувал илегални имигранти, што се случи во местото Мендерес, во турската област Измир, животот го загубија 22 лица, а 13 се повредени, јавува Anadolu Agency (AA).

Според добиените информации, камионот што се движел од Ајдин кон Измир, кај местото Мендерес, излетал од патот и се превртел.

По упатен повик од страна на локалното население, на местото на несреќата пристигнале екипи на брзата помош, полицијата и противпожарни возила.

Во несреќата животот го загубија 22 лица, меѓу кои и деца, а 13 се повредени.

Повредените лица се префрлени во локалните болници.

- Започната е истрага во врска со несреќата -

Во меѓувреме, републичкиот обвинител во Мендерес отвори истрага во врска со несреќата во која по превртувањето на камионот со илегални мигранти, животот го загубија 22 лица.