Британскиот бизнисмен Ричард Бренсон патуваше во вселената со леталото развиено од неговата компанија

ВАШИНГТОН (АА) - Британскиот бизнисмен Ричард Бренсон патуваше на надморска височина од 100 километри од земјата, што се смета за точка каде што започнува вселената, со вселенското летало развиено од неговата компанија „Вирџин галактик“, пренесува Агенција Анадолија (АА).

Бренсон е третата личност која започна да лета во вселената, по сопственикот на „Спејс екс“, Eлон Маск, и основачот на „Амазон“, Џеф Безос.

"To all you kids down there..." - @RichardBranson's message from zero gravity. #Unity22

Watch the livestream: https://t.co/5UalYT7Hjb pic.twitter.com/lYXHNsDQcU

— Virgin Galactic (@virgingalactic) July 11, 2021

Вселенското летало „Јунити-2“, развиено од компанијата на Бренсон, „Вирџин галактик“, во кое се наоѓаа 6 лица, вклучително и Бренсон, утрово беше лансирано од американската сојузна држава Ново Мексико.

Во соопштението од „Вирџин галактик“ се наведува дека вселенското летало достигнало висина од околу 100 километри, од каде што започнува вселената.

Во изјавата, во која се наведува дека патувањето траело 90 минути, се додава дека вселенското летало „Јунити-2“ слетало на Земјата во Ново Мексико во 12:00 часот по локално време со бизнисменот Бренсон и неговите придружници без никакви проблеми.