Пакистан успешно го тестираше ракетниот систем Фатах-II

ИСЛАМАБАД (АА) - Пакистан денес изврши успешен тестен лет на автохтоно развиен наведуван повеќелансирен ракетен систем, соопшти армијата на земјата, јавува Анадолу.

Фатах-II е опремен со најсовремена авионика, софистициран систем за навигација и исклучителна траекторија на летот, се вели во соопштението на медиумското крило на пакистанската армија.

„Вооружениот систем може да гони цели со висока прецизност до домет од 400 километри“, се наведува во соопштението.

На тестирањето присуствуваа високи офицери од три армиски служби, како и научници и инженери.

Претседателот Ариф Алви и високите воени функционери им честитаа на војниците и научниците за успешното тестирање, се додава во соопштението.

Во 2021 година Пакистан спроведе успешен тестен лет на Фатах-I, а претходно Исламабад изврши успешно тестирање на својата крстосувачка ракета Раад-II.