Успешно лансирана ракетата „Фалкон-9“ на „СпејсЕкс“ со четворица членови на екипажот

СКОПЈЕ (АА) - Ракетата „Фалкон 9“ на „СпејсЕкс“ успешно беше лансирана вчера, носејќи четворица членови на екипажот на „Аксиом спејс“ на комерцијална мисија кон Меѓународната вселенска станица, јавува Анадолу.

Лансирањето се одржа од Вселенскиот центар „Кенеди“ на Флорида, како дел од најновата мисија на „Аксиом спејс“, компанија која се фокусира на развојот на комерцијални активности во орбитата.

Се очекува екипажот да спроведе низа научни експерименти и технолошки демонстрации на Меѓународната вселенска станица како дел од најновата комерцијална мисија на „Аксиом спејс“.