Во Шпанија починаа 2.405 лица од екстремна топлина

МАДРИД (АА) - Во Шпанија починаа 2.405 лица од екстремни горештини, известува Анадолу.

Според податоците на шпанскиот Дневен систем за следење на смртни случаи (MoMo), бројот на починати од топлото време ова лето, заклучно со 16 август, веќе ја надмина минатогодишната бројка.

Според статистичките податоци, 2.012 лица починале од екстремна топлина во Шпанија помеѓу 15 мај и 30 септември 2024 година, а во летниот период оваа година до 16 август починаа 2.405 лица.

Само во првите две недели од август починале 931 лице од екстремна топлина.

Во Шпанија во летото 2023 година починале 3.007 лица, а 4.789 во летото 2022 година, период обележан со големи пожари и чести топлотни бранови.

Во Шпанија, која го доживува својот втор голем топлотен бран ова лето последниве две недели, пријави се температури над 40 Целзиусови степени на 224 мерни станици низ целата земја на 16 август, објави шпанскиот Државен институт за метеорологија (AEMET).

AEMET објави дека на 16 август термометрите надминале 44 Целзиусови степени на шест локации, со максимална температура од 44,7 Целзиусови степени во јужниот град Кордоба.

Се очекува екстремниот топлотен бран, кој предизвика масовни шумски пожари во Шпанија, да заврши до крајот на оваа недела.