Иранска ракета погоди нафтен танкер во територијалните води на Катар

ИСТАНБУЛ (АА) – Три ирански крстосувачки ракети денес се истрелани во правец на Катар, при што една погодила нафтен танкер во територијалните води на земјата, соопшти катарското Министерство за одбрана, пренесува Анадолу.

Во објавата на американската платформа за социјални медиуми X, Министерството наведе дека вооружените сили „успешно пресретнале две крстосувачки ракети, а третата ракета погодила нафтен танкер најмен на 'Катар енерџи' во територијалните води на Катар“.

Надлежните институции веднаш презеле соодветни мерки, при што била воспоставена координација за евакуација на 21 член на екипажот од танкерот, без да има жртви.

Инцидентот се случи во услови на зголемени тензии во регионот откако САД и Израел од 28 февруари спроведуваат воздушни напади врз Иран, при што, според иранските власти, досега загинале повеќе од 1.340 лица.

Како одговор на тоа, Иран изврши напади со беспилотни летала и ракети насочени кон Израел, како и кон Јордан, Ирак и земји од Персискиот Залив каде што се наоѓаат американски воени бази, предизвикувајќи жртви, материјална штета и нарушувања на глобалните пазари и авиосообраќајот.