„Нашите цели се јасни“, изјави Нетанјаху по нападот на Бејрут

АЛ-КУДС (ЕРУСАЛИМ) - Израелскиот премиер Бенјамин Нетанјаху во петокот изјави дека целите на неговата земја се јасни и дека акциите зборуваат сами за себе, што е негова прва изјава по воздушниот напад врз јужните предградија на Бејрут, известува Анадолу.

„Нашите цели се јасни, а постапките говорат сами за себе“, објавија од кабинетот на премиерот на социјалната мрежа Х.

Нетанјаху не даде детали за нападот врз јужното предградие на Бејрут, Дахиех, познато и како упориште на Хезболах.

Либанското Министерство за здравство соопшти дека бројот на загинати во петочниот израелски напад врз јужните предградија на Бејрут се зголеми на 14, додека 66 лица се повредени, од кои девет се во критична состојба.

Израелската војска тврди дека во напад со беспилотно летало во јужните предградија на Бејрут го убила Ибрахим Акил, за кој рече дека бил шеф на операциите на Хезболах и де факто командант на силите Радван.

Во вторникот и средата, 37 лица се убиени, а повеќе од 3.250 се повредени во серија експлозии на пејџер и воки-токи (уреди за безжична комуникација) во Либан.

Либанската влада го обвинија Израел дека го извршил нападот, а Хезболах вети одмазда. Израел не ги коментираше обвинувањата.

Нападите предизвикаа ескалација во израелската прекугранична војна со Хезболах, која започна по израелската брутална офанзива врз Појасот Газа со неселективно бомбардирање на цивилни населби, училишта, верски објекти и болници, во која досега уби најмалку 41.300 Палестинци, главно жени и деца.