„Обидот за атентатот над Трамп го изведе 20-годишниот Томас Метју Крукс“, објави ФБИ

ВАШИНГТОН (АА ) - Атентат врз поранешниот претседател на САД и кандидат на претстојните претседателски избори, Доналд Трамп, се обиде да изведе 20-годишниот Томас Метју Крукс од Пенсилванија, известува Анадолу.

Како што информираше Федералното истражно биро (ФБИ), напаѓачот пукал кон републиканскиот претседателски кандидат Трамп додека тој држел говор на бината во Пенсилванија.

Трамп е полесно повреден во пределот на увото, а со интервенција на обезбедувањето е оддалечен од бината.

Во првата изјава по нападот Трамп од болницата, тој порача дека е добро и дека во тек е истрагата и се наоѓа под медицински надзор.

Напаѓачот е неутрализиран, а неговото тело е пронајдено недалеку од местото на нападот, во кој се ранети уште две лица.

Според информациите што ги објавија американските власти, напаѓачот се наоѓал на рид надвор од просторот на кој се одржувал митингот, а кон Трамп испукал повеќе куршуми, пред да биде погоден во интервенцијата на силите за безбедност.

ФБИ нападот го окарактеризира како обид за атентат.

Актуелниот американски претседател Џо Бајден и противкандидат на Трамп, го осуди нападот.