Претседателот Ердоган отпатува на Мировниот самит во Египет

АНКАРА (АА) - Претседателот на Турција, Реџеп Таип Ердоган, со лет на „Туркиш ерлајнс“ отпатува за Египет каде што ќе присуствува на Мировниот самит во Шарм ел-Шеик, известува Анадолу.

Ердоган на аеродромот „Есенбога“ го испратија потпретседателот Џевдет Јилмаз, генералниот секретар на турското Претседателство, Хаки Сусмаз и гувернерот на Анкара, Васип Шахин.

Претседателот Ердоган го придружуваат министерот за надворешни работи Хакан Фидан, директорот на Националната агенција за разузнавање (МИТ) на Турција, Ибрахим Калин, директорот за комуникации на Турција, Бурханетин Дуран и главниот советник на претседателот за надворешна политика и безбедност Акиф Чагатај Килич.

Ердоган на покана на египетскиот претседател Абдел Фатах ел-Сиси и американскиот претседател Доналд Трамп ќе присуствува на Мировниот самит во Шарм ел-Шеик, состанок на кој ќе се разговара за постигнатиот договор за прекин на огнот во Газа.

Предвидено е претседателот Ердоган да се обрати на самитот, а ќе одржи и консултации со лидерите на земјите учеснички.