Саудиска Арабија пресретна вкупно 64 беспилотни летала над Ријад и Источната провинција

ИСТАНБУЛ (АА) – Саудиската воздушна одбрана пресретна и уништи уште три беспилотни летала над Ријад и Источната провинција, со што вкупниот број на соборени летала од утринава се искачи на 64, соопшти портпаролот на Министерството за одбрана на Саудиска Арабија преку социјалната мрежа Х, пренесува Анадолу.

Претходно денес саудиското Министерство за одбрана во посебни објави на Х информираше за пресретнување и уништување на беспилотни летала над Источната провинција.

Според официјални соопштенија, саудиските одбранбени сили досега неутрализирале вкупно 64 летала низ Ријад и Источната провинција.

Тензиите во регионот нагло ескалираа откако Израел и САД започнаа заеднички напади врз Иран на 28 февруари. Во тие напади досега загинаа околу 1.300 луѓе, меѓу кои и тогашниот врховен водач на Иран, ајатолахот Али Хамнеи.

Иран одговори со серија напади со беспилотни летала и ракети насочени кон Израел, Јордан, Ирак и земјите од Персискиот Залив во кои се наоѓаат американски воени бази.