Саудиско Министерство за одбрана: Пресретнати се и уништени две беспилотни летала

Министерството за одбрана на Саудиска Арабија денес соопшти дека нејзините сили пресретнале и уништиле две беспилотни летала во последните часови, соопшти портпаролот на Министерството, пренесува Анадолу.

Од Министерството не се споменати информации за евентуални повредени, жртви или дополнителни детали во врска со локацијата и точното време на пресретнувањето.

Непријателствата во регионот ескалираа откако САД и Израел започнаа заедничка офанзива врз Иран на 28 февруари, во која досега загинаа над 1.340 луѓе, вклучително и тогашниот врховен лидер Али Хамнеи.

Техеран возврати со напади со беспилотни летала и ракети насочени кон Израел, Јордан, Ирак и земјите од Персискиот Залив во кои се наоѓаат американски воени капацитети. Иран, исто така, го ограничи движењето на бродовите низ Ормускиот Теснец.