Силно невреме предизвика штети и нарушувања низ Италија

Силно невреме, вклучително и торнада, во изминатите два дена предизвикаа штети и нарушувања низ Централна и Северна Италија, објави „Скај ТГ24“, пренесува Анадолу.

Варезе, во регионот Ломбардија, беше погоден од силно невреме и предизвика големи нарушувања поради што пожарникарите извршија повеќе од 100 интервенции на различни локации.

Силните торнада соборија дрвја, оштетија покриви и предизвикаа поплави, а сообраќајот беше нарушен поради неколку патишта блокирани со остатоци од невремето.

На аеродромот „Малпенса“ во Ломбардија беа поплавени пистите и неколку делови од терминалот. Беа откажани и неколку дојдовни и појдовни летови.

Пожарникарите, според наводите, продолжија со операциите за обезбедување на погодените подрачја.