Dmitri Chirciu
06 Март 2019•Ажурирај: 07 Март 2019
МОСКВА (АА) - Рускиот заменик-министер за надворешни работи, Сергеј Рјабков, во однос на ситуацијата во Венецуела истакна дека сценариото на Соединетите Американски Држави (САД) за воена интервенција во Венецуела останува во игра, пренесува Anadolu Agency (AA).
Според новинската агенција ТАСС, Рјабков дал оценка на настаните во Венецуела и денуклеаризацијата на Корејскиот Полуостров.
Рјабков истакна дека САД во последниве години, спротивно на условите на Обединетите нации (ОН), реализираат воени активности во други земји.
„Русија е загрижена за ситуацијата во Венецуела“, рече Рјабков, и нагласи: „Сценариото на САД за воена интервенција во Венецуела и понатаму важи.“
Рјабков, потсетувајќи дека севернокорејскиот лидер Ким Џонг Ун и американскиот претседател Доналд Трамп се состанаа минатата недела во главниот град на Виетнам, рече: „Денуклеаризацијата на Корејскиот Полуостров може да се реши со заеднички интереси и отстапки.“
Рускиот заменик-министер за надворешни работи, Сергеј Рјабков, исто така рече дека е важно да се отстранат американските санкции кон Северна Кореја.
