Mексиканската јавност поделенa во врска со ослободувањето на синот на Ел Чапо

КВЕРЕТАРО (АА) - Мислењето на мексиканската јавност е поделено во врска со тоа дали Владата ја донела вистинската одлука за ослободување на синот на озлогласениот наркобос, таканаречениот „Ел Чапо“, пренесува Anadolu Agency (AA).

Мексиканскиот весник „Реформа“, направи анкетата која покажа дека 49 отсто од испитаниците кажале дека не се согласуваат со одлуката на федералната Влада за ослободување на Овидио Гузман Лопез. Во меѓувреме, 45 отсто од испитаниците се согласувале со одлуката.

Но јавноста не се согласува за една работа. Анкетата направена од „Реформа“ исто така покажува дека 56 отсто од испитаниците сметаат дека сега организираниот криминал е посилен од мексиканската Влада. Само 33 отсто веруваат во спротивното по ослободувањето.

Припадниците на специјалната полиција и војска го приведоа Овидио Гузман Лопез, синот на озлогласениот наркобос Хоакин Арчивалдо Гузман Лоера, таканаречениот „Ел Чапо“, а потоа го пуштија на слобода, откако членовите на наркокартелот одговорија со повеќе вооружени напади.

Најмалку 8 лица загинаа, а над 50 члена на картелот, според наводите, побегнале од затворот за време на нападите. Покрај тоа, членовите на картелот киднапирале неколку војници и ги држеле како заложници.

Кабинетот за национална безбедност на Мексико одржа вонредна седница и нареди помладиот Гузман да се пушти на слобода, а безбедносните сили да се повлечат од градот.

Претседателот на Мексико, Мануел Лопез Обрадор, изјави дека ја поддржува одлуката на Кабинетот за повлекување на полицијата и војската од градот во кој дејствува озлогласениот наркоклан „Ел Чапо“ и порача дека приведувањето на еден осомничен не е вредно за губење на човечки животи.

Обрадор, кој е познат по тоа што не сака да се бори на начинот „насилството со насилство“, рече дека овој потег спасил животи во Кулиакан.

„Не можете да се борите со огнот со оган. Не сакаме смртни случаи. Не сакаме војна “, рече тој на прес-конференција.

Одлуката е многу контроверзна во Мексико. Некои се загрижени дека овој чекор е преседан кој не проектира добра иднина. Други веруваат дека животите што би можеле да бидат спасени во Кулиакан ја надминуваат потребата за шверцерот на дрога да биде зад решетки.