Авганистан: Во напад на талибанските милитанти загинаа 13 стражари

КАБУЛ

Во напад на талибанските милитанти во покраината Бадгис во западниот дел на Авганистан загинаа 13 стражари, јавува Агенција Анадолија (АА).

Нејмудин Бурхани, портпаролот на гувернерот на Бадгис, за новинарите изјави дека милитантите извршиле напад на стражарница во местото Ламан.

Тој истакна дека во нападот загинале вкупно 13 стражари, додека талибанците зеле уште седум стражари како заложници.

Талибанците сè уште не се огласија во врска со нападот.