Aşkın Kıyağan
25 Јули 2021•Ажурирај: 26 Јули 2021
ВИЕНА (АА) - Австрија соопшти дека ќе распореди дополнителни војници на нејзината источна граница со Словенија и Унгарија за да го запре приливот на илегални мигранти, јавува Агенција Анадолија (АА).
Тоа го соопштија министерот за внатрешни работи, Карл Нехамер, и министерката за одбрана, Клаудија Танер, на прес-конференција.
Тврдејќи дека регулативите на Европската Унија во однос на миграциите се неефикасни во однос на нерегуларните мигранти, Нехамер рече дека бројот на војници што во моментов се наоѓаат на источната граница наскоро ќе се зголеми од 1.000 на 1.400, особено поради развојот на случувањата на унгарската граница.
„Австрија не може да ја добие потребната поддршка од ЕУ“, рече Нехамер, и додаде дека заедно со Германија не можат да го решат „авганистанскиот проблем на ЕУ“, мислејќи на зголемената популација на Авганистанци во земјата.
Танер истакна дека 200 криумчари на луѓе биле фатени на границата со Унгарија на почетокот на оваа година и дека поради тоа бројот на војници на границите со Словачка и Словенија можно е да се зголеми на 2.000.
