Азербејџанската Армија презеде контрола врз некои стратешки врвови

БАКУ

Азербејџанската Армија во контранападот против ерменските сили ја презеде контролата над некои стратешки врвови околу селото Талиш, пренесува Агенција Анадолија (АА).

Во изјавата на Министерството за одбрана на Азербејџан се истакнува дека позициите на ерменската Армија биле погодени со ракети и артилерија, а ерменските сили се повлекле.

Исто така се наведува дека некои високи предели околу селото Талиш во близина на регионот Тертер се исчистени од окупаторските сили.

Во соопштението се додава дека ерменските сили претрпеле големи загуби.

Министерството сподели и снимки од воздух на кои се гледаат трупови на ерменски војници.