Американско-мексиканска граница: Човек во облека сокрил 52 влекачи

САН ДИЕГО (АА) - При претрес на маж на американско-мексиканската граница пронајдени се 52 живи гуштери и змии кои ги сокрил во облеката, јавува Агенција Анадолија (АА).

Во соопштението на Граничната служба на Соединетите Американски Држави (САД) се вели дека камионот кој доаѓал од Мексико, бил запрен на граничниот премин „Сан Исидро“ меѓу Сан Диего и Тихуана на 25 февруари.

Припадници на граничната служба побарале возачот, 30-годишен американски државјанин, да го напушти возилото.

Во јакната, џебовите и во регијата на препоните биле пронајдени 9 змии и 43 гуштери со рогови.

Во соопштението се наведува дека станува збор за загрозени видови и дека возачот е приведен.