Аргентинските воени ветерани со комеморација за загинатите војници во Фолкландската војна

БУЕНОС АИРЕС (АА) – Офицерите од сите гранки на Аргентинските вооружени сили во Буенос Аирес им оддадоа почит на војниците загинати во војната за Малвинските Острови (Фолкландски Острови), јавува Анадолу.

Секоја година на 1 април, аргентинските воени ветерани се собираат во Сан Андрес де Хилес, во покраината Буенос Аирес, за да оддадат почит на 649-те војници загинати во конфликтот со Обединетото Кралство во 1982 година.

Настанот вклучува церемонијални почести, изложби на воено оружје и униформи од периодот, како и лични предмети и писма на загинатите разменети со нивните семејства.

Воените ветерани и нивните семејства на полноќ палат факели и се интонира националната химна, нагласувајќи го значењето на сеќавањето и жртвата на војниците кои го положија животот во конфликтот.