Баербок: „ЕУ ќе разговара за нови санкции против Иран“

БЕРЛИН (АА) - Германската министерка за надворешни работи Аналена Баербок изјави дека ЕУ денес ќе разговара за новите санкции против Иран поради егзекуциите на демонстрантите без фер судења, јавува Агенција Анадолија (АА).

„Видовме дека иранскиот режим погуби второ лице без фер судење. Оваа јавна егзекуција е очигледно бесрамен обид да се заплашат луѓето“, изјави Баербок за новинарите пред состанокот на министрите за надворешни работи на ЕУ во Брисел.

„Со новиот пакет санкции, ние особено целиме кон оние кои се одговорни за овие егзекуции, насилството врз невините луѓе, особено врз Револуционерната гарда“, рече таа.

Баербок рече дека Германија и ЕУ ќе продолжат да се солидаризираат со мирните демонстранти во Иран.

Иран е потресен од опсежни протести во последните месеци по смртта на 22-годишната Иранка Махса Амини, која беше притворена од полицијата за морал во септември.

Најмалку 475 луѓе се убиени во демонстрациите во услови на тешка безбедносна акција, според групите за човекови права. Повеќе од 18.000 се приведени од властите.