Билансот на жртви во Газа надмина 57.000, Израел продолжува со геноцидната војна против Палестинците

ИСТАНБУЛ (АА) – Најмалку 57.012 Палестинци се убиени во геноцидната војна на Израел во Појасот Газа од октомври 2023 година, соопшти денес палестинското Министерство за здравство, јавува Анадолу.

Министерството истакна дека во последните 24 часа во болниците се донесени 142 тела, а 487 лица се повредени, со што билансот на повредени во израелските напади досега се искачи на 134.592.

„Многу жртви сѐ уште се заробени под урнатините и на патиштата бидејќи спасувачите не можат да стигнат до нив“, нагласи Министерството.

Посочи дека 223 починати се додадени во регистарот откако се потврдени нивните податоци.

Израел ги продолжи нападите врз Појасот Газа на 18 март и оттогаш се убиени 6.454 Палестинци, а повредени се 22.551, кршејќи го договорот за прекин на огнот и размена на затвореници што стапи на сила во јануари.

Минатиот ноември Меѓународниот кривичен суд издаде налози за апсење на израелскиот премиер Бенјамин Нетанјаху и неговиот поранешен министер за одбрана Јоав Галант за воени злосторства и злосторства против човештвото во Газа.

Израел се соочува и со случај за геноцид пред Меѓународниот суд на правдата поради воените дејства во енклавата.