Ömer Tuğrul Çam
18 Јануари 2023•Ажурирај: 19 Јануари 2023
БРИСЕЛ (АА) - Началниците на генералштабовите на армиите на земјите члени на НАТО се состанаа во седиштето на Алијансата во Брисел со цел да разговараат за воени прашања на НАТО, пред сѐ за војната во Украина, јавува Агенција Анадолија (АА).
Состанокот ќе трае два дена, а на првиот ден ќе се разговара за различни теми, како што се зголемување на капацитетите и можностите на Алијансата и зајакнување на одбраната и одвраќањето, дигитална трансформација, оценување на нивото на подготвеност на силите на НАТО, воени резерви и логистика.
Меѓу другото, на вториот ден на состанокот ќе се разговара за Мировните сили на НАТО во Косово (КФОР), состојбата на терен во Косово и безбедносната средина, работите во рамки на Мисијата на НАТО во Ирак, како и за Украина.
На последната сесија од состанокот, началниците на генералштабовите ќе разговараат за прашањето на Украина и за поддршката на НАТО за Украина која војува против Русија.
Началникот на Генералштабот на Украинската армија, Валериј Залужни, на состанокот ќе учествува преку видеоконференција, на која ќе информира за последната состојба на терен.
На состанокот, покрај началниците на генералштабовите на 30 земји членки на НАТО, учествуваат и началниците на генералштабовите на Шведска и Финска кои се во својство на земји кои се поканети во НАТО.
На состанокот под водство на претседателот на Воениот комитет на НАТО, Роб Бауер, Туркије е претставена од началникот на Генералштабот на Турската армија, Јашар Ѓулер.
