Бројот на убиени Палестинци во Газа во геноцидната војна на Израел се искачи над 65.300

ИСТАНБУЛ (АА) - Министерството за здравство на Газа денес соопшти дека 61 Палестинец се убиени во израелските напади во последните 24 часа, со што бројот на жртви од октомври 2023 година се зголеми на 65.344 лица, јавува Анадолу.

Министерството истакна дека во изминатиот ден повредени се и 220 Палестинци, со што вкупниот број повредени достигна 166.795.

„Многу жртви остануваат под урнатините и на патиштата, бидејќи спасувачките екипи не можат да стигнат до нив“, додаде Министерството.

Најмалку 12.785 лица се убиени, а 54.754 повредени од 18 март, кога Израел ги продолжи нападите врз територијата по краткиот прекин на огнот и размената на затвореници, соопшти Министерството.

Додаде дека 23 Палестинци се повредени од оган на израелската Армија додека барале хуманитарна помош во текот на изминатите 24 часа.

Според Министерството, 2.523 Палестинци се убиени, а повеќе од 18.496 се ранети додека се обидувале да дојдат до хуманитарна помош, сметајќи од 27 мај.

Минатиот ноември, Меѓународниот кривичен суд издаде налози за апсење на израелскиот премиер Бенјамин Нетанјаху и поранешниот министер за одбрана Јоав Галант за воени злосторства и злосторства против човештвото во Газа.

Израел се соочува и со случај за геноцид пред Меѓународниот суд на правдата поради војната во енклавата.