Велика Британија чекор поблиску до промена на Законот за Брегзит

ЛОНДОН (АА) - Новото законодавство со коешто Велика Британија е поблиску до напуштање на блокот е на чекор да стане закон, јавува Anadolu Agency (AA).

Пратениците го усвоија Законот за повлекување од ЕУ до второто читање - следната фаза за нацрт-законот во законодавниот процес.

За гласаа 326, а 290 против, откако со часови пратениците даваа изјави за предлозите.

Тоа, всушност, има за цел да се претвори постоечкото законодавство на ЕУ во британски закон, бидејќи земјата се подготвува да го напушти блокот во март 2019 година.

Во својата изјава, британската премиерка Тереза Меј ги опиша изборите како историска одлука за поддршка на волјата на британскиот народ.

„Иако има уште да се направи, оваа одлука значи дека можеме да продолжиме со преговорите со цврсти темели и да продолжиме да ги охрабруваме пратениците од сите делови на Велика Британија да работат заедно, за поддршка на овој значаен дел од законодавството“, рече таа.

Сепак, повиците за промени дојдоа заедно со серија амандмани од некои пратеници, вклучувајќи ги и опозициските лабуристи.

Министерот во сенка за Брегзит, Кир Стармер, рече дека тоа е длабоко разочарувачки резултат, тврдејќи дека законот е слаб.

„Овој предлог-закон е навреда за парламентарната демократија и грабање на гола власт од страна на владините министри. Тоа ги остава правата незаштитени, го замолкнува Парламентот за клучните одлуки и го поткопува решението за делегирање“.

„Тоа ќе го направи процесот на Брегзит понесигурен и ќе доведе до поделба и хаос кога ќе ни треба единство и јасност“, рече тој.

Стармер инсистираше дека лабуристите би ги смениле и отстраниле најлошите аспекти на законот.

Проевропскиот либералдемократ, портпарол за Брексит, Том Брејк, ова усвојување на законот го нарече „мрачен ден за мајката на сите парламенти“.

Денешниот резултат ѝ даде на Меј ефективно мнозинство за Брегзит од 36, откако седуммина пратеници од лабуристите гласаа за својата партиска линија.

Сега се движи кон својата следна парламентарна етапа, каде што пратениците од опозицијата се очекува да заземат силен став против тоа.