Во Иран се сруши хеликоптер што транспортирал гласачки кутии: Загина еден полицаец

ТЕХЕРАН

Во иранската јужна покраина Хузистан се сруши хеликоптер што транспортирал гласачки кутии, при што загина еден полицаец, пренесува Агенција Анадолија (АА).

Според веста на иранската официјална новинска агенција ИРНА, се срушил хеликоптер што од руралната зона Ахмед Федале транспортирал гласачки кутии кон подрачјето на Дезфул.

Се истакнува дека во несреќата загинал еден полицаец кој бил одговорен за осигурување на заштитата на гласачките кутии.

Според соопштеното, исто така во несреќата се повредени 11 лица.