Во Судан продолжуваат протестите против државниот удар

КАРТУМ (АА) – Во Судан трет ден продолжуваат протестите против распуштањето на Владата од страна на Суданската армија и притворањето на многу министри и политички лидери, пренесува Агенција Анадолија (АА).

Демонстрантите кои бараат Владата да биде предадена на цивили, поставија барикади контејнери и дрва на главните улици во различни делови на главниот град Картум.

Демонстрантите запалија пневматици и извикуваа антивоени слогани.

Безбедносните сили кои во голем број се распоредени пред Генералниот штаб на Армијата во главниот град ги блокираат патиштата и не дозволуваат влез во регионот.

Бројот на загинати во протестите се искачи на 7, а над 140 лица се повредени.

Во Судан, поради повикот за штрајк на Граѓанската коалиција „Сили за слобода и декларација за промени“ (ОDBG), голем број луѓе не отидоа на работа и многу работни места не беа отворени.

Во земјата училиштата се затворени од 25 октомври. Исто така, продолжува ограничувањето на телефонските и интернет-линиите.

- Прогласена вонредна состојба -

Во Судан, утрото на 25 октомври премиерот Абдулах Хамдук и голем број политичари беа приведени. Синоќа беше објавено дека Хамдук е ослободен.

По воената интервенција, цивилното крило на власта и голем број политички партии го повикаа народот да излезе на улица.

По повикот, илјадници Суданци се собраа во различни делови на главниот град Картум и почнаа да демонстрираат против воената интервенција.

Генералот Абдулфетах ел Бурхан соопшти дека прогласиле вонредна состојба и дека Советот за суверенитет и Кабинетот се распуштени.

Тој, исто така, истакна дека ќе биде формирана техничка влада која ќе ги претставува сите страни на Судан.