КЕЛН (АА) - Возило во паркот на Централната џамија на Турско-исламската унија за верски прашања (DITIB) во Бохум, Германија, е уништено во подметнат пожар, пренесува Агенција Анадолија (АА).
Според соопштението на ДИТИБ, по инцидентот кој се случил во 2:50 часот по локално време, имало обид да биде запалено уште едно возило на 500 метри оддалеченост од џамијата.
Во инцидентот со подметнување пожар на возило кое припаѓало на Турчин, кој бил дел од џамиската заедница, нема загинати или повредени. Инцидентот е снимен од безбедносните камери.
Претседателот на Здружението на Централната џамија во Бохум, Аднан Акчај, истакна дека според записите од камерата, ноќта едно лице дошло на паркингот на џамијата, истурило бензин под возилото и го запалило.
Наведувајќи дека запаленото возило е уништено, Акчај додаде дека истото лице се обидело да запали друго возило на 500 метри од џамијата, но возилото не изгорело.
Полицијата започна истрага за подметнатиот пожар.
