Amina Zorniç
29 Август 2016•Ажурирај: 30 Август 2016
БЕРЛИН (АА) - Германскиот министер за економија, Зигмар Габриел, вели дека Велика Британија мора да „плати” за излез од ЕУ, кое тој сојуз на европски држави го остави „нестабилен”, пренесува Anadolu Agency (AA).
Според британскиот „Гардијан”, Габриел истакнува дека Брегзит е „повеќе психолошки и политички проблем, отколку економски”.
„Велика Британија не смее да дозволи да ги задржи само убавите работи кои дошле со членство во ЕУ без преземање на одговорност за последиците од Брегзит”, истакнува Габриел.
Реакцијата на германскиот министер доаѓа пред состанокот, кој британската премиерка Тереза Меј, го закажа за среда, 31 август, во врска со „Брегзит стратегијата” на британската Влада во наредниот период”.
Британците од 23 јуни оваа година со референдумот одредија излез на нивната земја од ЕУ, што многу аналитичари го нарекоа „најголем удар на обединувањето на Европа во историјата на нејзиото постоење”.
Германскиот министер смета дека моментално, во очите на светот, поради Брегзит, Европа е нестабилен континент.
