Германскиот министер за одбрана во ненадејна посета на Киев

ИСТАНБУЛ (АА) - Германскиот министер за одбрана, Борис Писториус, денес пристигна во ненадејна посета на украинскиот главен град Киев, јавува Анадолу.

„Министерот Писториус отпатува во Украина за да ги види лично моментната ситуација и ефективноста на германската поддршка“, се вели во соопштението на германското Министерство за одбрана објавено на социјалната мрежа Х.

Во соопштението се наведува дека Писториус ја започнал посетата со положување цвеќе на споменикот посветен на револуцијата Мајдан.

Сѐ уште не се објавени повеќе детали за посетата.

Посетата на шефот на германската одбрана се совпаѓа со Денот на достоинството и слободата на Украина, со кој се обележуваат Портокаловата револуција, серијата национални протести против наводите за изборна измама за време на претседателските избори во 2004 година и револуцијата Мајдан, масовни протести што доведоа до соборување на тогашниот претседател Виктор Јанукович, кој нашироко беше перципиран како проруски.

Вчера, во ненајавена посета на Киев беше и американскиот секретар за одбрана, Лојд Остин, кој разговараше со украинскиот претседател Владимир Зеленски и со својот украински колега Рустем Умеров.