Египет: „Начелата на суверенитет и меѓународното право се клуч за подобрување на односите со Турција"

ИСТАНБУЛ

Неименуван функционер на Египет изјави дека во напорите за подобрување на односите на Египет со Турција мора да биде почитувано начелото на суверенитет и арапската национална безбедност, јавува Агенција Анадолија (АА).

„Египет очекува било која земја, која сака да воспостави нормални односи со него, да ги почитува правилата на меѓународното право, принципи на суверенитет, да води политика на добрососедски односи и да престане со обидите на интервенирање во внтатрешните работи на арапските земји во регионот", рече функционер од Каиро за египетската Блискоисточна новинска агенција (МЕНА).

Истанкуванќи дека дипломатските односи помеѓу Турција и Египет постојат на нивоа на вршители на дипломатски работи, египетскиот функционер рече дека се уште не може да се каже дека билатералните дипломатски контакти во потполност се обновени.

Египетски функционер исто така истакна дека народите на Турција и Египет негуваат силни и историски врски.

Турција и Египет ја прекинаа дипломатската соработка уште во летото 2013 година, а во петокот министерот за надворешни работи на Турција Мевлут Чавушоглу соопшти дека се воспоставени одредени разузнавачки и дипломатски контакти помеѓу Анкара и Каиро.

Чавушоглу рече дека ниту една страна не поставила предуслови за подобрување на односите и додаде дека тој процес не е легален и дека не може брзо да се заврши.

„Нормално дека во ваквите ситуации од свете страни постои недостаток на доверба. Затоа водиме преговори со одредена стратегија и мапа на патот", појасни Чавушоглу.