Експлозија во рафинерија за нафта на југот на Иран

АНКАРА (АА) - Во експлозијата што се случи во рафинеријата за нафта Бандар Абас на југот на Иран има загинати и повредени, пренесува Анадолу.

Според вестите што ги објави иранската официјална новинска агенција ИРНА, експлозијата се случила во рафинеријата за нафта Бандар Абас во провинцијата Хормозган.

Сѐ уште не е позната причината за експлозијата.

Се наведува дека во експлозијата, која предизвика пожар, има загинати и повредени.

Иранските официјални лица сѐ уште не излегоа со изјава во врска со настанот.