Западот стравува од повлекување на американските трупи од Европа

БЕРЛИН (АА) - Западните разузнавачки служби и политичари стравуваат дека евентуалниот договор меѓу САД и Русија за Украина може да доведе до повлекување на американските трупи од поголем дел од Европа, објави денес германскиот весник „Билд“, известува Анадолу.

„Според наши информации, тоа се барањата на рускиот претседател Владимир Путин од 2021 година, поточно повлекување на американските војници од сите земји на НАТО што се вклучија во Алијансата по 1990 година“, изјави за „Билд“ неименуван источноевропски безбедносен функционер.

Во вестите се наведува дека Италија се подготвува и за можно повлекување на американските војници од Косово. Тоа би ги оставило европските сојузници сами на Балканот, соочени со Александар Вучиќ и неговата моќна српска војска.

Германските дипломати за „Билд“ го опишаа како „сосема можно“ ваквото сценарио во поранешната балканска воена зона.

Според „Билд“, единствени американски бази што моментно не се вклучени во планот за повлекување се Рамштајн во Германија и воените бази во Велика Британија.

Американскиот претседател Доналд Трамп ја отфрли можноста за целосно повлекување на американските војници од Европа.