Зеленски го одбележа Денот на бранителите на Украина, вети победа над Русија

АНКАРА (АА) – Украинскиот претседател Владимир Зеленски денеска го одбележа Денот на бранителите на Украина, ветувајќи победа против Русија, пренесува Агенција Анадолија (АА).

„Изразуваме благодарност до сите што се бореле за Украина во минатото и до сите што се борат за неа сега. На сите што победија тогаш и на сите што дефинитивно ќе победат сега“, порача Зеленски преку Телеграм.

„Украинскиот народ отсекогаш најмногу сакал мир“, рече тој, повикувајќи на победа на начин што „ќе ја круниса борбата на многу генерации на украинскиот народ со успех“.

„Слава на сите наши херои! Слава на сите кои се борат, работат и помагаат! Слава на Украина!“ напиша украинскиот претседател.

Москва изврши воздушни напади врз неколку украински градови по експлозијата на 8 октомври на стратешкиот мост што ја поврзува Русија со Крим, кој нелегитимно го анектира во 2014 година, потег кој наиде на широка меѓународна осуда.

Рускиот претседател Владимир Путин го обвини Киев за, како што рече, „терористички напад“ на Керченскиот Мост (Кримски Мост).

Украина го одбележува Денот на бранителите секоја година на 14 октомври, кој беше прогласен за државен празник во 2014 година од страна на поранешниот украински претседател Петро Порошенко.