Зеленски именуваше нови функционери и советници

КИЕВ (АА) - Денес украинскиот претседател Владимир Зеленски именуваше нови заменици-шефови и советници во претседателската канцеларија, последно во серијата назначувања во реконструкцијата на владата, известува анадолу.

На веб-страницата на кабинетот на претседателот на Украина беа објавени два декрети со кои поранешната заменик-премиерка Ирина Верешчук и Виктор Микита, поранешен гувернер на регионот Закарпатија, се именуваат за заменици на шефот на претседателската канцеларија.

Со два други декрети наведено е дека поранешниот министер за стратешка индустрија Александар Камишин и Дмитро Литвин се именувани за советници на претседателот за стратешки прашања и комуникации.

Најновите именувања се дел од најголемата реконструкција на владата од почетокот на војната во Украина во февруари 2022 година, кога девет нови министри ја презедоа функцијата.