Идлиб: Во воздушни напади на руските сили и силите на сирискиот режим убиени 15 цивили

ИДЛИБ (AA) - Во воздушните напади на руските и силите на режимот на Башар ал Асад на зоната на деескалација Идлиб во Сирија загинаа најмалку 15 цивили, објави сириската организација за цивилна заштита, јавува Агенција Анадолија (АА).

Сириската опозициска опсерваторија за авиони соопшти дека целните подрачја во близина на центарот на Идлиб и околните села во текот на операциите кои траеја цел ден.

Групата за цивилна заштита Бели шлемови потврди дека загинаа 15 лица.

Турција продолжи со своето неодамна започнато засилено присуство во зоната на деескалација Идлиб. Турскиот конвој кој вклучува повеќе тенкови, распореден е на различни точки во Идлиб.

Силите на сирискиот режим и нивните сојузници продолжија со интензивните воздушни и копнени напади врз цивилните населби во зоната за деескалација на Идлиб.

Турција и Русија во септември 2018 година се договорија Идлиб да го претворат во зона на деескалација, во која актите на агресија се забранети. Меѓутоа, силите на режимот на Асад и нивните сојузници ги кршеа условите на примирјето, изведувајќи чести напади во рамките на зоната, при што од склучувањето на договорот се убиени најмалку 1.800 цивили.

Поради интензивните напади во последните месеци речиси 1,5 милиони Сиријци се преселија близу границата со Турција.