Израел уби дете со попреченост во Газа

ДЕИР ЕЛ-БАЛАХ (АА) - Денес е убиено дете со попреченост во израелски напад врз бегалскиот камп Бурејџ во Газа, известува Анадолу.

Во израелски напад врз бегалскиот камп Бурејџ убиена е Маха Ислам, 11-годишно палестинско девојче со попреченост.

Роднините на убиеното дете кое го загуби животот по израелскиот напад, тагуваат додека го примаат телото од болницата Ал-Авда во градот Газа.

Најмалку 15 Палестинци се убиени, вклучувајќи седум члена на едно семејство, а неколкумина се повредени денес во серија израелски воздушни и артилериски напади врз различни области во Појасот Газа.

Најсмртоносниот напад се случи во бегалскиот камп Ал-Бурејџ во централна Газа, каде што седум члена на семејството Абу Зина беа убиени кога нивниот дом беше погоден од израелски ракетен напад, изјавија медицински извори за Анадолија.

Израелската армија ги обнови нападите врз Газа на 18 март, прекршувајќи го Договорот за прекин на огнот и размена на затвореници постигнат на 19 јануари со палестинската група на отпорот Хамас.

Од октомври 2023 година Израел уби повеќе од 52.400 Палестинци во Газа во брутални бомбардирања и гранатирања, од кои повеќето се жени и деца.

Меѓународниот кривичен суд минатиот ноември издаде налози за приведување на израелскиот премиер Бенјамин Нетанјаху и неговиот поранешен министер за одбрана Јоав Галант за воени злосторства и злосторства против човештвото во Газа.

Израел е обвинет за геноцид пред Меѓународниот суд на правдата за својата војна против енклавата.