Ирански медиуми: Најмалку 6 лица загинаа во напад источно од Техеран

Најмалку шест лица загинаа во американско-израелски напад врз станбена област источно од главниот град на Иран, Техеран, јавија иранските медиуми, пренесува Анадолу.

Новинската агенција „Мехр“ соопшти дека нападот го погодил градот Пардис, каде што спасувачките екипи извлекле шест тела од урнатините.

Се додава дека три од жртвите биле деца.

Регионалните тензии ескалираа откако САД и Израел започнаа заедничка офанзива врз Иран на 28 февруари, во која досега загинаа над 1.340 луѓе, вклучувајќи го и тогашниот врховен лидер Али Хамнеи.

Иран возврати со напади со беспилотни летала и ракети насочени кон Израел, како и кон Јордан, Ирак и земјите од Персискиот Залив во кои се наоѓаат американски воени капацитети, предизвикувајќи жртви и штета на инфраструктурата и нарушувајќи ги глобалните пазари и авиосообраќајот.