Италијански офицер осуден на 30 години затвор поради шпионирање за Русија

Офицер на италијанската морнарица е осуден на 30 години затвор поради продавање тајни на Русија, пренесува Анадолу.

Воениот суд во Рим го осуди Валтер Биот за шпионирање за Русија, вклучително и продажба на строго доверливи документи, објавија медиумите.

Воените обвинители побараа доживотна затворска казна бидејќи тој фотографирал 19 доверливи документи на НАТО, вклучително и оние со ознака „Строго доверливо“.

„Биот тргуваше со тајни документи и покажа висок степен на неверство и способност за криминал“, изјавиле обвинителите, според италијанската новинска агенција АНСА.

Биот (56) беше приведен во март 2021 година додека му предавал информации на персоналот на руската Амбасада на паркинг во Рим.

Италија подоцна протера двајца службеници од Амбасадата поради инцидентот.