Betül Yılmaz
30 Септември 2025•Ажурирај: 01 Октомври 2025
ИСТАНБУЛ (АА) - Израелскиот крајно десничарски министер за финансии, Безалел Смотрич, денес го осуди планот на американскиот претседател Доналд Трамп за завршување на војната во Газа, велејќи дека тоа претставува „трагедија“ и неуспех на Владата на Бенјамин Нетанјаху, јавува Анадолу.
„Според мене, ова исто така ќе заврши со солзи. Нашите деца ќе бидат принудени повторно да се борат во Газа“, наведе Смотрич на американската компанија за социјални медиуми X.
„Ова е она што Ајнштајн го дефинираше како чиста глупост: исто да се прави одново и одново и да се очекува различен резултат“, рече тој, наведувајќи ги формулата за две држави, формирањето палестинска полиција обучена во Египет и Јордан и вклучувањето на Катар како посредник во преговорите за прекин на огнот.
Екстремистичкиот министер го критикуваше одобрувањето на планот на Трамп од страна на Нетанјаху и она што го нарече негова „почетна неподготвеност да ја окупира Газа“.
Смотрич, исто така, го осуди она што го нарече „апсурдно прославување“ на планот како „трагедија на лидерството што бега од вистината“.
Трамп вчера откри план од 20 точки за ставање крај на израелската војна во Газа за време на прес-конференцијата со Нетанјаху во Белата куќа.
Планот предвидува ослободување на сите израелски заробеници во замена за десетици палестински затвореници, целосно разоружување на Хамас, постепено повлекување на израелските сили и формирање технократски, аполитичен палестински комитет за управување со енклавата.
Од октомври 2023 година израелската армија уби над 66.000 Палестинци, повеќето жени и деца, во Газа. Поради немилосрдното бомбардирање енклавата е несоодветна за живеење и тоа доведе до глад и ширење на болести.
